تصريحات وليد سليمان عن الاهلي وخناقة السوبر
وليد سليمان
التجديد مع الاهلي زي كل مرة، بنمضي مع النادي ونسيب الباقي للادارة
روحت لقيت الموضوع كبير لجنة التخطيط قاعدين والادارة، ودا زعلني
انا مش مستني كل دا لو قالولي بس في مكالمة امضي همضي
وليد سليمان : لو الاهلي مش عاوزني ممكن اروح انبي
بس مينفعش اروح لنادي منافس، محبش ان اي لاعب يبقي بيلعب في الاهلي
وقضي وقت كبير ويروح لنادي منافس
وليد سليمان
انا قعدت فترة كبيرة من غير اكل وشرب بسبب رفضهم انتقالي للاهلي.. انا عيطت 3 مرات عشان الاهلي،
مرة في ١٩٩٢ ضد الزمالك، تاني مرة لما جمهور الاهلي نده عليا وانا في انبي،
تالت مرة لما رفضوا انتقالي للاهلي.. الخطيب قالي قبل ما اروح الاهلي اعتبر نفسك من ولاد النادي لما كانت الدنيا متأزمة في الصفقة.. بعد الثورة لما حصل ازمة في البترول قرروا يبيعوني عشان محتاجين فلوس
وليد سليمان
فايلر لما جه كنت مضغوط عشان اثبت نفسي عشان اتألق والعب، كان فيه مدرب جديد
وضغط ماتشات وعقد بينتهي.. مينفعش العب بسبب اسمي، المدرب قالنا اللي هيجتهد ويتدرب كويس هو اللي هيلعب
وقال اللاعيبة الكبار ليهم تقدير بس انا مش هلعب حد بسبب اسمه ولازم تساعدوا زمايلكم..
قولتله انا عايز العب واثبت نفسي ولازم دوري جوا الملعب يبقي زي برة الملعب
وليد سليمان : عرضوا عليا اجدد اكتر من سنتين بس انا قررت سنتين
بس عشان بعد السنتين اعتزل في الاهلي، شرف ليا اني هعتزل في الاهلي
وليد سليمان
ممكن ابقي زعلان اني دكة، بس زعلي دا بطلعه في اللعب والتدريب لان مفيش حد دايما اساسي هينزل يكسب الفريق
وليد سليمان
فايلر هادي في الملعب لانه بيخلص شغله كله في المحاضرة عشان كله ينزل حافظ دوره
ومبيستناش يفهم اللعيبة في الملعب، اللي بينزل الملعب تايه يقوله انت مش معايا الماتش الجاي.
راجل عايز حركة دايما في الملعب ولعب هجومي واجوال واكتساح
وليد سليمان : شخصية جوزيه وفايلر في الملعب متقاربة جدا، اللي هو المحاضرة قبل الماتش
ونخلص شغلنا بدري ولازم كله يبقي مركز واللي مركزش مش معايا
وليد سليمان
لو كملنا علي اللي بدأناه مع فايلر؟ هنبقي في حتة تانية .. رفضوني زمان في ناشئين الاهلي عشان جسمي صغير،
حلمي من وانا صغير هو كان اني العب في الاهلي، كنت راسم حياتي علي اللعب في الاهلي
وليد سليمان: بطولتين أفريقيا
مع الكابتن حسام والكابتن محمد يوسف الأقرب إلي قلبي بسبب الظروف الصعبة في الموسمين
وليد سليمان: مهما حصلت علي بطولات أنا مش حسام عاشور
وليد سليمان: الأعتزال بالأهلي شرف ونصحت عاشور ب الاعتزال في الأهلي وهو القرار الأقرب لعاشور.
وليد سليمان
انا مش لاعب مؤذي والله، فقط بلعب بحماس بسبب تشجيعي للاهلي من صغري ودايما عاوز الفريق يكسب
وليد سليمان : ليه مبناخدش افريقيا؟ ابو تريكة بقي، مشي وخد التاسعة معاه.. ابو تريكة دا ميتعوضش ابدًا
الاهلي لازم يبقي مادة تتدرس للطلبة لانه بيعلم قيم ومبادئ
ابراهيم فايق: ليه البطولة التاسعه مستعصية
وليد سليمان: أبوتريكة بقا أبوتريكة خدها ومشي .. اتواصل مع تريكة بشكل مستمر واخر تويتة كانت من ايام قولتله
واحشني واتمني اشوفك قريب. . أبو تريكة مش هيتعوض برة الكورة أو جوه الكورة،
ابو تريكة كان بيقولي طول مانتا في الاهلي اتعلم مش هتبقي نجم غير في وقت الصعب
وليد سليمان
سبب خسارة افريقيا ٢٠١٨؟ من بعد الذهاب الاعلام المصري طلعنا احنا غلطانين،
حسينا اننا في تونس.. ولما وصلنا تونس الجو كان ارهاب ومش لطيف خالص وكله تهديدات..
دا غير طوبة هشام محمد لولا ستر ربنا كان مات، وبعدها كارتيرون قرر منلعبش الماتش
لكن منعرفش حصل ايه في الكواليس ولعبنا وخسرنا.
وليد سليمان : اطالب بإنشاء مادة في التدريس اسمها " النادي الاهلي" عشان الناس تتعلم
وليد سليمان : كل دوري في أزمة السوبر الاخير انني نازل ابعد اللاعيبه عن بعضها
ومكنتش نازل اتخانق ولقيت نفسي بضرب، اتعصبت جدا ومكنش ينفع يحصل ده خاصة اننا برة مصر،
وكلمت الجنايني وقالي معايا شريط الإعادة وحقك هتاخده.
وليد سليمان
مشكلة امام عاشور؟ نزلت احجز في الملعب لقيت حد بيخبطني
والمشكلة ان فيه ناس بعد الماتش بتمجد في اللاعب الصغير عشان ضرب لاعب كبير،
انا وفي سنه كدة مكنتش اقدر اعملها.. لو عبد الله جمعة مكانش راح لجمهور الاهلي مكانتش حصلت مشكلة،
ياما جمهور الزمالك كان بيزوم عليا قبل ما اروح الاهلي حتي و عمري ما استفزيتهم
وليد سليمان : شريف اكرامي عايز يلعب وحارس كويس واتوقع أنه سيكون له دور كبير في النادي الاهلي بعد الاعتزال
واتمني استمرار رمضان مع النادي الاهلي لانه شخصية النادي الاهلي،
وليد سليمان : كنت استحق أن انضم للمنتخب في بطولة أمم إفريقيا 2017 في الجابون
كنت ماشي بشكل جيد جدا وحسيت أنني اتظلمت بعدم الانضمام.
وليد سليمان : انا مابلعبش علي نجيل صناعي، سافرت مع الفرقة في الجزائر والملعب كان نجيل صناعي
وكنت متفق مع لاسارتي علي عدم المشاركة لاني بعدها ببعد عن الملاعب وكنت بتمرن لوحدي قبل الماتش..
قبل محاضرة المباراة بربع ساعه جلس معايه
وقالي محتاجك ومفييش خبرات في الملعب ولعبت الماتش وبعدت عن الملاعب 7 شهور بعدها.
وليد سليمان : الهدف الافضل في مسيرتي هدف الفاينال امام الترجي 2012
وليد سليمان : الكابتن محمود الخطيب بييجي علي نفسه من اجل النادي وبيقدر كل اللاعبيه
وبيقدرني جدا وافتخر بذلك .. الكابتن الخطيب أسطورة كبيرة ومهما عمل هنفضل نحبه، محاضرة كابتن الخطيب سحر.
وليد سليمان : من وجهة نظري لو تم إلغاء الدوري الاهلي يتوج به، لان حرام احنا تعبنا
ولو في منافسة ماشي إنما في فارق كبير بين الاهلي والمركز التاني
وليد سليمان : جيل بركات وتريكة ومتعب ووائل جمعة لن يتكرر مرة أخري
وليد سليمان : مثلي الاعلي في عالم كرة القدم ليونيل ميسي
وليد سليمان : حادث الدفاع الجوي والغاء خطوبتك؟
علمت من ابن خالتي وافتكرت حادث بورسعيد واي حد مكاني كان هيعمل الي انا عملته.
تعليقات: 0
إرسال تعليق